Не деген ақша: 1 миллион доллар бопсалапты! (Видео)

12 қантар 2024, 9:13

Әдетте, ақша бопсалайтындардың араны ары кеткенде 50-100 млн теңгеден аспаушы еді. Мәселен, бір блогер 50 млн теңге алып жатқанда ұсталған. Ал елдің батысында біреу өйтіп «ұсақталып» жатпай, бір миллион долларды бір-ақ «сұраған»!

Батыс Қазақстан облысы полиция департаментінің ұйымдасқан қылмысқа қарсы күрес басқармасының қызметкерлері етті мал шаруашылығымен айналысатын ЖШС құрылтайшыларынан миллион АҚШ долларын бопсалаған өңір тұрғынын ұстады. Polisia.kz хабарлағандай, күдікті Toyota Mark II автокөлігінің ішінде ақша алу сәтінде құрықталды. Көлікті тінту кезінде сол жақтағы алдыңғы жолаушылар орындығының қалтасынан 4 млн теңге тәркіленді. Барсеткасынан 50 мың теңге табылды. Қазір Қылмыстық кодекстің 194-бабының 4-бөлігі бойынша сотқа дейінгі тергеу жүргізіліп жатыр (бопсалау).