Мұнай-газ саласындағы ірі компания жеке адамға арзан бағаға сатылған

Еліміздегі мұнай мен газ өндірісіндегі ауқымды компанияның бірі бірнеше жыл бұрын арзан бағада жеке адамның қолына өтіп кеткен. Мұны Үкіметте өткен экономиканы демониполизациялау жөніндегі комиисяның отырысында Премьер-Министр Әлихан Смайылов айтты.

«Премьер-Министр Әлихан Смайыловтың төрағалығымен өткен Экономиканы демонополизациялау жөніндегі комиссия отырысында мұнай-газ саласындағы маңызды инфрақұрылымдық объектілерді жеке меншікке берудің заңдылығы мәселелері талқыланды.

Жиында мұнай-газ саласында жұмыс істейтін ірі компанияның осыдан бірнеше жыл бұрын жеке меншікке сатылғаны айтылды. Комиссия тапсырмасымен жүргізілген тексеру активтің төмендетілген бағамен жекенің қолына өтіп кеткенін анықтады.

Премьер-Министр құзырлы мемлекеттік органдарға осы мәселені Қазақстан Республикасының қолданыстағы заңнамасы аясында пысықтауды тапсырғанын» хабарлады Үкіметтің баспасөз қызметі.

JQ-Aqparat