Мұғалімдер жалған дипломмен жұмыс істеген

04 қазан 2023, 11:53

Ұлытау өңіріндегі білім беру ұйымдарында тоғыз мұғалім жалған дипломмен жұмыс істеген, деп хабарлайды облыстық Сыбайлас жемқорлыққа қарсы қызметі.

Бар болғаны 9 айда бұл салада үш қылмыстық, 14 әкімшілік іс тіркелген.

Мұғалімдер күні қарсаңында Сыбайлас жемқорлыққа қарсы іс-қимыл агенттігі мамандары мектеп басшыларымен және білім басқармасының бөлімдерімен сыбайлас жемқорлық тәуекелдерін талқылағаны айтылды. Мысалы, 10 АЕК-тен жоғары сыйлық алған мұғалімге 7 миллион теңгеге жуық айыппұл салынады. Сыйлық берушілерге де жауапқа тартылады.

Маңғыстау облысында 7 мұғалім жалған дипломмен жұмыс істеген. Енді олар осы күнге дейін мемлекеттен алып келген үстемақыны қайтаруға тиіс.

JQ-Aqparat