Министр: «Artsport бағдарламасы болмайды»

Мәдениет және спорт министрі Асхат Оралов Artsport бағдарламасы тоқтағанын, оның орнына іске қосылатын бағдарлама аясында балаларды үйірмемен қамту жұмыстары алдағы уақытта қалай жүретінін айтты.

«Artsport бағдарламасы жоқ, спорт және мәдени үйірмелерді қаржыландыру бойынша мемлекеттік бағдарлама бар. Өткен жылы осы бағдарламаны орындаушы «Artsport» ақпараттық жүйесін іске қосқан еді. Енді жаңа қағидалар мен жаңа стандарт орнатылды. Өткен жылғы кемшіліктерді ескере отырып, биыл 86 млрд теңгеден астам қаржы бөлінді. Қазір түрлі өңірде түрлі ақпараттық жүйелер бар. Бірақ біз жүйелі шараларды қолға алдық, ашықтық болуы үшін барлық базаларды біріктіреміз. Басты міндет – барлық шешімдер балалар пайдасына, ашықтық мақсатында қабыланады. Бұл өте маңызды. Қандай да бір компания лоббиіне жол берілмейді. Ең бастысы – балаларға үйірмелерді қолжетімді ету», — деді министр Үкімет кулуарында журналистер сауалына жауап беру барысында.

JQ-Aqparat