Михаил Саакашвили Украина азаматтығынан айырылуы мүмкін

Одесса облысының экс-губернаторы Михаил Саакашвили енді Украина азаматтығынан да айырылуы мүмкін. Өзінің саяси партиясын құрып, кезектен тыс парламент сайлауын өткізуді, тіпті Украинаның саяси элитасын түгелімен өзгертуді мақсатым деп жариялаған Саакашвилиді Петр Порошенконың өзі азаматтықтан айырмақ.

31.kz Михаил Саакашвили Украина президентін әділ прокурорларды жұмыстан шығарды, белсенді шенеуніктерді қорқытып тастады деп сынға алды. Сондай-ақ, өзі губернатор болған Одесса облысында да жұмыс жасауға еш мүмкіндік бермеді деп айыптап отыр. Өз кезегінде Украинаның билігі де қарап қалған жоқ. Петр Порошенко оны отставкаға жіберіп, мемлекет басшысының штаттан тыс кеңесшілігінен де айырды. Ал Жоғарғы Рада депутаты Вадим Рабинович Сыртқы істер министрлігі мен Бас прокуратураға Саакашвилиді Грузияға экстрадициялау туралы өтініш түсірді.

— Порошенко Батыс елдеріне жақсы көрінгісі келіп көзбояушылықпен айналысып отыр. Шын мәнінде ол Украинада ешқандай реформа жасай алған жоқ.