Меруерт Түсіпбаева Жадодан кешірім сұрады (видео)

Дизайнер Жадыра Сахиева (Жадо) мен әнші Меруерт Түсіпбаева сот отырысы кезінде бір-бірінен кешірім сұрап, татуласты.

Baq.kz хабарлағандай, Меруерт Түсіпбаева сотта дизайнермен қарым-қатынасының нашарлауына журналистер мен әлеуметтік желі қолданушыларын кінәлады.

«Жадыра Сахиевамен соттасамын деп үш ұйықтасам түсіме кірмепті. Екеуміздің қарым-қатынасымыз өте жақсы еді. Ортамызға от салып жүрген адамдар бар. Олар пиармен айналысады. Екіншіден, журналистер, әлеуметтік желі қолданушылары кінәлі. Маған от беріп, «неге сіз үнемі үнсіз қаласыз?» деп азғырды. Бірінші Жадыра Сахиева кешірім сұрады, екінші болып кешірім сұраймын. Жадыра Сахиевадан кешірім сұраймын», — деді ол.

Айта кетейік, әнші мен дизайнердің арасындағы дауға Instagram-дағы пост себеп болған еді. Меруерт Түсіпбаева Жадоның киімін сынға алып: «Тюрбан дегенді етегі бар киіммен кию керек, Жадо! Клетка көйлекке мына ала орамал сәйкес келмейді. Түсінемін, 10- сыныптық біліммен алысқа бармайсың… Семіріп, әліңді білмей, әлек болғанша, сауатыңды аш» деп жазды.

https://www.youtube.com/watch?v=ycDiPbq1ukU&feature=youtu.be