Мемлекет басшысы: Украинадағы қарулы қақтығыс жақын арада тоқтайды деп үміттенеміз (Видео)

 

Посмотреть эту публикацию в Instagram

 

Публикация от JAS QAZAQ (@jasqazaqkz)

Қазақстан Президенті Қасым-Жомарт Тоқаев Украинадағы қарулы қақтығысқа қақтығысқа қатысты Қазақстанның ұстанымын тағы да айқындады. Мемлекет басшысы Астанаға мемлекеттік сапармен келген Германия Федералдық президенті Франк-Вальтер Штайнмайермен кездесуде осы мәселе бойынша еліміздің ұстанымын білдірді.

«Мен бұл күрделі мәселеге қатысты ұстанымымызды айқындадым.

Біріншіден, біз БҰҰ Жарғысын қатаң сақтауымыз керек. Әрине, Біріккен Ұлттар Ұйымын әлемде теңдесі жоқ әрі әмбебап ұйым ретінде қолдауға тиіспіз.

Екіншіден, біз Қытайдың, сондай-ақ басқа да мемлекеттердің барлық бейбіт бастамасын қолдауымыз қажет.

Сондықтан жақын арада Украинадағы қарулы қақтығыс тоқтайды деп үміттенеміз. Содан кейін әлемнің осы бөлігінде берік бейбіт өмір орнайтыны туралы сөз қозғай аламыз.
Қазақстанға келетін болсақ, біз осы мақсатқа қол жеткізуге өз үлесімізді қосуға дайынбыз.

Сонымен қатар біз – Ресеймен стратегиялық серіктеспіз және бірнеше ұйымның мүшесі екенімізді атап өткен жөн. Сондықтан біздің мақсатымыз – екіжақты және халықаралық ұйымдар аясында өзара ынтымақтастығымызды нығайту үшін Ресеймен тығыз байланысты сақтау».

JQ-Ақпарат — Aqorda.kz