Мемлекет басшысы Күншығыс еліне ресми сапармен барады

Ақорданың баспасөз қызметі Мемлекет басшысының қатысуымен өтетін алдағы іс-шаралар аңдатпасын жария етті.

Қазақстан Президенті 6-9 қарашада ресми сапармен Жапонияда болады. Токиода Жапонияның императоры Акихитомен, Премьер-Министр С.Абэмен және іскер топтар өкілдерімен кездесу өтеді. Бұдан бөлек, Мемлекет басшысы Жапонияның Парламентінде және «Токай» университетінде сөз сөйлейді деп жоспарланып отыр. Сондай-ақ, сапар аясында Нұрсұлтан Назарбаев Хиросимадағы Бейбітшілік мемориалдық саябағында болып, «Хиросима қаласының айрықша құрметті азаматы» арнаулы атағын салтанатты түрде тапсыру рәсіміне қатысады.

inform.kz