Мемлекет басшысы: Біз кейінгі ұрпақтың жарқын болашағы үшін бейбітшілікті нығайтуымыз керек

Ядролық сынақтарға қарсы халықаралық іс-қимыл күні Президент Қасым-Жомарт Тоқаев кейінгі ұрпақтың жарқын болашағы үшін бейбітшілікті нығайту керек екенін айтты, деп хабарлайды jasqazaq.kz Ақордаға сілтеме жасап.

– Бүгін – Ядролық сынақтарға қарсы халықаралық іс-қимыл күні. Бұл атаулы күнді БҰҰ Бас Ассамблеясы Қазақстанның бастамасымен бекітті. Халқымыз атом қаруын сынаудан қатты зардап шекті. Мұндай қасірет қайталанбауға тиіс. Біз кейінгі ұрпақтың жарқын болашағы үшін бейбітшілікті нығайтып, халықаралық әріптестікті дамыта түсуіміз керек. Ядролық қарудан және сынақтардан біржола бас тартуға күш салуымыз қажет. Бейбітшілік пен қауіпсіздік – бүкіл адамзатқа ортақ ең басты құндылықтар, – деп жазды Президент Қасым-Жомарт Тоқаев өзінің X парақшасында.

Сурет: Akorda.kz