Медицина қызметкерін ұрып-соққандар үш жылға сотталады

Ашық НҚА порталында Қылмыстық кодекске медицина қызметкерлеріне қоқан-лоққы жасау немесе күш қолдануға қатысты енгізілетін толықтырулар жобасы жарияланды.

Қылмыстық кодекске екі жаңа бап енгізіледі.
320-1 бабында денсаулық сақтау ұйымы қызметкерінің кәсіби қызметіне араласу немесе оның қызмет міндетін жүзеге асыруына кедергі келтіргендер үшін мынадай жаза түрлері қарастырылды: 200 АЕК дейінгі айыппұл; 200 сағатқа дейінгі қоғамдық жұмыс; 50 тәулікке дейін мерзімге қамау.
Ал 320-2 бап медицина қызметкеріне өз қызметін орындауы кезінде оның өмірі мен денсаулығына қауіпті емес күш көрсету немесе күш көрсету туралы айтып қорқытуға 3000 АЕК дейінгі айыппұл, 800 сағатқа дейінгі қоғамдық жұмыс, 3 жылға дейін мерзімге қамау немесе осы мерзімге бостандығын шектеу қарастырылған.

JQ-Aqparat