Мажарстанда V Будапешт демографиялық саммиті өтіп жатыр

Мажарстанда «Отбасы: қауіпсіздік кілті» тақырыбында V Будапешт демографиялық саммиті өтіп жатыр. Саммитке 60 елдің өкілдері, оның ішінде Болгария президенті Румен Радев, Италия Премьер-Министрі Джордж Мелони, Танзания Вице-президенті Филип Исдор Мпанго, сондай-ақ, үкімет мүшелері, дін қайраткерлері, журналистер және қоғамдық пікір көшбасшылары қатысуда.

Саммитке Венгрия тарапының шақыруы бойынша Мәдениет және ақпарат министрі, Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның төрайымы Аида Балаева барды.
Ол отбасылық саясат мәселелері жөніндегі интерактивті сессияда сөз сөйлейді. Сессияға Венгрия, Катар, Түркия, Сербия, Марокко, Словения, Тунис және Эквадор министрлері қатысады.
Екі күн ішінде қатысушылар болашақ ұрпақ пен отбасы үшін қауіпсіз және жарқын болашақты қалай құру керектігі туралы пікірлерімен бөліседі.

Будапешт демографиялық саммиті Мажарстан президенті Каталин Новактың қолдауымен екі жылда бір рет Мажарстан Премьер-Министрі Виктор Орбанның қатысуымен өтеді.
Саммит әлемнің түрлі елдерінің саясаткерлері, сарапшылары, дін қайраткерлері, бизнес, ғылым және БАҚ өкілдері демография мәселелерін және отбасы институтының дамуына әсер ететін негізгі мәселелерді талқылайтын алаң.

JQ-Aqparat