Мәулен Әшімбаев: Ұлттық мүддемізге сай саясат жүргіземіз

Сенат төрағасы Мәулен Әшімбаев батыс мемлекеттерінің санкциясына қатысты пікірін айтты.
Сенат отырысынан кейін журналистердің сауалына жауап берген М.Әшімбаев: «Біз Батыс мемлекеттерінің санцияларын бұзбаймыз. Еліміздің территориясы, компаниялары санкцияны бұзу үшін пайдалануға ешқандай мүмкіндік берілмейді. Бұл — Қазақстанның нақты ұстанымы», — деді.
Сенат төрағасы еліміздің позициясын Мемлекет басшысы да, сыртқы істер министрлігі де бірнеше рет жариялағанын еске салды.
«Бұл ұстаным аясында ары қарай жұмыс істейміз. Ең бастысы, біз сыртқы саясатымызда ұлттық мүддемізге бағытталған қадамдар жасаймыз. Еліміздің ұлттық мүддесіне қатысты маңызды мәселелерді ескеріп, тиісті бастамаларды көтереміз және осыған сай саясат жүргіземіз», — деді М.Әшімбаев.

JQ-Aqparat