«Масс- медиа туралы» заң жобасы Мәжілістің қарауына түсті

Парламент Мәжілісінің қарауына «Масс-медиа туралы» заң жобасы мен ілеспе құжат келіп түсті.
Мәжілістің Әлеуметтік-мәдени даму комитетінің төрағасы Асхат Аймағамбетов палатаның жалпы отырысында: «Бұл құжаттар Үкіметтің заң жобалау жоспарына сәйкес әзірленді. «Масс-медиа туралы» заң жобасы осы саладағы заңнаманы жетілдіруге бағытталған. Ілеспе заң жобасында үш кодекске және 12 заңға өзгеріс пен толықтыру енгізу жоспарланған. Әлеуметтік-мәдени даму комитеті аталған заң жобалары бойынша қорытынды әзірлеуге дайын», — деді.
Биыл мамыр айында ақпарат және қоғамдық даму министрі Дархан Қыдырәлі: «Масс-медиа туралы заң журналистің құқығын айқындайды. Оның мәртебесін белгілеп, бекітеді. Біз әрине, ол заңның да жетілуіне, жүруіне министрлік ретінде көмек көрсетеміз», — деген болатын.

JQ-Aqparat