Мәшинеге 12 миллион теңге беріп, тақырға отырды

Қымбат машинаны арзанға аламыз деп алаяққа ұрынған.  Су тегінге көлікпен қоса, үй, тіпті жер телімін алуға көмектесемін деген азаматқа сенген алматылықтар енді прокуратураның алдын торуылдап жүр. Бұл туралы КТК телеарнасы хабарлады.

Айтуларынша, өзін мемлекеттік қызметкермін деп таныстырған кісіге кемі 1 миллионнан 12 миллион теңгеге дейін ақша ұстатқан. Алданғандар тақырға отырғызып кеткен ер адамның тиісті жазасын алып, қаражатын қайтаруды талап етуде.

Алматыдағы прокуратураның алдына жиналғандардың зары бір — көбі көлік мінеміз деп тақырға отырған. Соның бірі —  Аделина Серікова. Ол кореялық автокөлікті арзанға алмақшы болыпып, алғашқы жарнасын қарызданып төлеп қойған.

Аделина Серікова: — Бөліп төлеп, кореялық көлік алып беремін деді. Қызыл түсті көліктің суретін де көрсетті.  Жалға алынған машина екен. Оған сенбедім. Қызыл құжатын көрсетті. «Міне, сенбесең, прокуратурада жұмыс істеймін» — деді. Өзін мемлекеттік қызметкермін деп таныстырған азаматқа Гүлмира Байгөзовада алданған.  Келіншек бір емесғ екі көлік аламын деп, алғашқы жарнасына 12 млн теңгесін құйған. Содан бері не темір тұлпар, не ақша да жоқ дейді.

JQ-Aqparat