Маңғыстауда жер сілкінді

Маңғыстау облысында жер сілкінісі тіркелді. Төтенше жағдайлар министрлігіне қарасты «Сейсмологиялық тәжірибе-әдістемелік экспедициясы» ЖШС-нің сейсмикалық стансалар желісі 25 сәуір күні Алматы уақытымен сағат 13.24-те жер сілкінісін тіркеді.

Жерасты дүмпуінің ошағы Алматыдан солтүстік-батысқа қарай 1874 км қашықтықта Қазақстан аумағында орын алды. Энергетикалық санаты – 11,3. MPV магнитудасы – 5,4. Тереңдігі – 10 км. MSK-64 бағаны бойынша жер сілкінісі Маңғыстау облысы, Қызан және Тұщықұдық кенттерінде 2-3 балл қуатымен сезілді.
Еуропалық жерорта теңізі сейсмикалық орталығының таратқан мәлімет бойынша Маңғыстауда магнитудасы 4,7 балдық жер сілкінісі болған. «Жерасты дүмпуінің эпицентрі Форт-Шевченкодан солтүстік-шығысқа қарай 187 шақырым және Шетпеден солтүстікке қарай 104 шақырым жерде орналасқан. Зілзаланың ошағы 10 шақырым тереңдікте болғаны» жазылған хабарламада. Облыс халқы жерасты дүмпуін бірден сезгендерін әлеуметтік желіде хабарлаған.

JQ-Aqparat