Махмұт Сабырхан өзбек боксшысын жеңіп, әлем чемпионы атанды! (Видео)

Өзбекстанда бокстан әлем біріншілігінің финалдық жекпе-жектері өтіп жатыр. 54 келідегі салмақ дәрежесінде өнер көрсеткен жерлесіміз Махмұт Сабырхан алтыннан алқа тақты. Ол ақтық сында өзбек боксшысы Ойбек Жураевты айқын басымдықпен ұтты. Махмұт алғашқы екі раундты 5:0 есебімен аяқтады. Сондай-ақ, қарсыласын екі рет нокдаунға жіберді. Сөйтіп, төрешілер жеңісті бір ауыздан Қазақ спортшысына берді.
Бұл осы чемпионаттағы Қазақстан қоржынына салынған екінші алтын медаль. Кеше Санжар Тәшкенбай халқымызға зор қуаныш сыйлаған еді.
JQ-Ақпарат