Мадияр Серікбаев: Бірінші баламызды тазикке тербеттік

Актер Мадияр Серікбаев отбасылық өмірдің алғашқы жылдары қандай қиыншылық болғанын айтты.
«Үйде анам жаңадан туылған кішкентай қызымыз бар. Бізде бесік болмады. Баланы шомылдырып болған соң қарасам, анам тазикті тербетіп отыр екен. Сол кезде манеж алуға ақшамыз жоқ. Ішін сүртіп тазикке баламызды жатқызып қояды. Анамыз балаға қарап отырады. Жылаған кезде телефон шалып шақырады. «Мынаның қарны ашты, жылап жатыр», — дейді. Екеуміз академиядан шығып, троллейбуспен келеміз. Баланы тамақтандырып, анаға шайын беріп, сабаққа шығамыз. Жатақхананың бір бөлмесінде тұрдық. Тазикте жатқан баламыз қазір тоғызыншы сынып бітіріп жатыр», — дейді.

JQ-Aqparat