Мадина Сәдуақасова: Жекеме «Мынауың ұяттау» деген хат келіп тұрады

Отандық әнші Мадина Сәдуақасова шоу-бизнес әлеміндегі ер азаматтардың өзіне қолдауы жайлы айтып, жан сырын ақтарды. Әнші отандық бағдарламада өнердегі әріптесі Досымжан Таңатаровтың айтуымен желідегі кей суретін өшіртетінін айтты.
«Өнерде жүрген 26 жылдың ішінде ер адам, өнердегі жігіттердің үлкені болсын, кішісі болсын мені ренжіткен жоқ. Барлығы қолдап жүр. Соның ішінде Досымжан (Таңатаров — ред.) бар. Үнемі ақылын айтып жүреді. Сосын әлеуметтік желіге онша емес сурет салып қоямын ғой. Маған жекеме Досымжаннан «Мынауың ұяттау» деген хат келеді. Досымжан, қойшы, күшті стиль десем, «Білмеймін, маған ұнап тұрған жоқ» деп жазады. Сосын мен оны (суретті — ред.) парақшамнан алдырып тастаймын», — деді Мадина Сәдуақасова.

JQ-Aqparat