Мақпал Жүнісованың қар күреуі желіде xитке айналды (видео)

Қазақстанның халық әртісі Мақпал Жүнісова қалың жауған қарды өз қолымен күреп тастады. Осылайша 50-ді еңсерген елдің сүйікті әншісі көпшілікті таңғалдырды. Бұл туралы juldizdar.kz хабарлайды.

Ақпанның үшінен төртіне қараған түні жауған қалың қар Алматыны басып қалды. Арнайы қызметкерлер қаланы ақ түсті “нұрдан” тазалаумен айналысып жатыр. Ал қала тұрғындары өз аулаларын тазартумен әлек. Олардың қатарынан елге белгілі әншілер де шет қалмайды.

Бұл ретте Мақпал Жүнісова өз ауласының қарын тазалап, дүйім жұртты таңғалдырды. Небәрі бір сағатта оның қар күреп жатқан видеосын 40 мыңға жуық жан тамашалап, мыңнан аса пікір қалдырған.

“Дәл осы қарапайымдылығыңызға басымды иемін”, “Жарайсыз, Мақпал апай, Алла денсаулық берсін”, “Керемет жансыз”, “Сахнада ғана емес, өмірде де ширақы, еркесіз”, “Мәәә, Мақпал апай, сізді осындай қарапайым деп ойламаппын”, “Қолыңыздан қуат кетпесін, Мақпал тәте”, “Таза фитнес есігіңіздің алдында екен ғой”,”Нағыз еңбекқор адам, кез келген нәрсеге өз еңбегімен жетеді”, – дейді тамсанған желі оқырмандары.

https://www.instagram.com/p/BQFm2vclza1/?taken-by=zhunusova.makpal