Мақпал Исабекова мистикалық фильмге түсуде

Шығармашылығын шыңдауға белсене кіріскен Мақпал Исабекова кино әлеміне қайта оралды. Ол жақында таспаланатын Әділхан Ержановтың жаңа жобасында басты рөлдердің бірін сомдайды. Бұл туралы Гәкку арнасы хабарлады.
Бір сұхбатында Мақпал дәл осы Ержановтың «Қаратас ауылындағы оба», «Қожайындар» атты фильмдерін тамсана көргенін айтқан еді.

Режиссердің айтуынша, Мақпал бұл фильмде мистикалық рөлді сомдайды. Кинокартина «Таңсәрі» деп аталмақ.

Ержановтың айтуынша, мұндай фильм елімізде бұрын-соңды түсірілмеген. Фильм туралы егжей-тегжейлі мәліметтерді режиссер алдағы уақытта жария ететінін айтты.

baistars.kz