Левит пен Тищенконың реваншы қашан өтуі мүмкін екені айтылды

Қазақстанның бокстан бас бапкері Мырзағали Айтжанов қазақстандық Василий Левит пен ресейлік Евгений Тищенконың кездесіп қалуы мүмкін делінген турнирді атады.

«Левит пен Тищенко Германиядағы әлем чемпионатында кездесуі мұмкін. Жартылай финалда немесе финалында», — деді қазақстандық команданың бапкері. Айта кетейік, қазастандық Левит пен ресейлік Тищенко 2016 жылғы Олимпиаданың басты бокс оқиғасы болған еді. Төрешілер алқасы жеңісті ресейлік боксшыға бергеннен кейін бокс әлемінің серкелері қазақстандықтың жеңгенін айтып, шешімге наразылық білдірген болатын. Айта кетейік, Германияның Гамбург қаласындағы әлем чемпионаты тамыз айында өтеді. Левит әлем біріншілігіне жолдама жеңіп алған еді.

tengrinews.kz