Лепстің концерті немесе миллион кімге бұйырады?

Әдеттегідей, әлеуметтік желі шулап жатыр. Бұл жолғы әңгіме Лепстің өтпей қалған концерті хақында. Журналист Ораз Әлімбеков өзінің Фейсбук парақшасында Лепстің Қонаев қаласында жоспарланған концертін өткізуге кедергі келтірген адамға 1 млн теңге сыйақы берем деген Шораевтың уәдесін еске салды.

«Көнге миллиондар тігіліп жатқанда Теріскейдегі көші-қон мәселесімен айналысып жүрген Бурахан Дақанов та қалыс қалмады. «Ал мен Лепстің концертін бұзған адамға — Солтүстік облыстан 1 гектар жер берем әкесс» деп жазды. Осындай мәлімдемеден кейін Фейсбукте отырған қауым елең ете қалды, іске шындап кіріскендер бар. Тикток-тәңірші Тұрарбек Құсайыновтың мәлімдемесін Қазақстандағы бүкіл сайт көшіріп басты. Тіпті оның мәлімдемесі Ресей мен Украинаның 40-тан астам ақпарат құралында мәселе ретінде жазылды. Осы қарсылық әкімдерге әсер етсе керек, Лепстің Қонаев қаласында жоспарлаған концерті өтпей қалды», — деп жазды ол.

Ораз Әлімбек енді Шораевты сөзінен тайқып кетті деп жазғырды. «Ол «Лепстің» концертін өткіздірмей тастайтын адамға берем» деген миллион теңгесін тәңірші Тұрарбек Құсайыновқа қимай отыр. «Солтүстіктен 1 гектар жер берем» деген Бурахан Дақанов та үнсіз жатыр. Мүмкін оларға араб діни идеологиясын мансұқтайтын тәңірші Тұрарбек Құсайыновтың наным-сенімі ұнамайтын шығар. Олай болса, Лепстің концертін өткізбей тастауға аз да болса үлес қосқан басқа біреуге уәде еткен сыйлығын неге ұсынбайды олар?! Әлде жеме-жемге келгенде Шораев пен Дақановты сараңдық жеңіп кетті ме?» деп жазады Ораз Әлімбек.

JQ-Aqparat