Леффлер: Головкин — Брук жекпе-жегіне билет 11 минуттың ішінде сатылып кетті (ВИДЕО)

03 тамыз 2016, 3:26

Орта салмақта IBF/IBO/WBA нұсқалары бойынша әлем чемпионы Геннадий Головкин өзінің Твиттер-аккаунтында алда болатын IBF нұсқасы бойынша әлем чемпионы британдық Келл Брукпен жекпе-жегіне арналған баспасөз мәслихатының видеосын жариялады.

«Менің Келл Брукпен алдағы жекпе-жегіме көзқарас керемет. Лондондағы «О2-Аренасында» болатын үлкен шоуды тағатсыздана күтеміз (Great look at my upcoming fight against @SpecialKBrook. Looking forward to a big show at @TheO2. #London)»,-деп жазды әлеуметтік желіде Геннадий Головкин.

GGG промоутері Тома Леффлердің сөзіне қарағанда, айқасқа қызығушылық орасан және Лондондағы O2 Arenaда болатын жекпе-жектің барлық билеттері небәрі 11 минуттың ішінде сатылып кеткен.

Еске сала кетсек, Головкин — Брук айқасы 10 қыркүйекте өтеді.