Күзде автотұрақ ақысы өседі

Осы жылдың қыркүйек айынан абстап Алматы қаласында автотұрақ бағасын өсіру жоспарланып отыр. Мұны Алматы қалалық мәслихатының кезектен тыс сессиясында шаһар басшысы Ерболат Досаев мәлім етті.

«Биыл автотұрақ орындарын анықтаймыз, аумаққа байланысты тұрақ ақысын көтереміз. Бұл жұмыстарды 1 шілдеге дейін аяқтап үлгермейміз, бірақ қыркүйектің басында дайын болуы керек», — деген Ерболат Досаев көлік тұрағының ақысы әр ауданда әрқилы болады.

«Мысалы, Алатау, Медеу ауданында, Құлжа тасжолына шыға берісте бір тариф болады делік, ал тарихи орталыққа жақын жерде тарифтер көтеріледі. Қаражат бюджет кірісіне жұмсалады. Автотұрақ, айыппұл мен өсімпұлдан түскен ақшаның бәрі пропорционалды түрде аудандардағы «Халық қатысатын бюджет» жобасына қосымша аударылады», — деді Е.Досаев.

JQ-Aqparat