Алматы облыстық полиция департаментінің экс-басшысы генерал Серік Күдебаевқа қатысты сот отырысы бүгін өтуі тиіс еді. Күндізгі сағат 11:00-ге белгіленген сотқа С.Күдебаев тағы келмеді. Айыпталушының сотқа бірнеше мәрте келмеуіне байланысты судья келесі сот отырысына мәжбүрлі түрде әкелу жөнінде қаулы шығарды.
«ҚР ҚПК 157 және 335 тармақтарына сәйкес Серік Күдебаевты процеске мәжбүрлі түрде жеткізу жөнінде қаулы қабылданды. Келесі сот отырысы 3-сәуір сағат 10:00 ге белгіленді»,- деп хабарлады Жетісу облыстық сотының баспасөз қызметі. Серік Күдебаевқа қатысты процесс осы жылдың қаңтар айында басталған болатын. Айыпталушы денсаулығы нашарлап, ауруханаға түсуіне байланысты сот отырысы бірнеше рет кейінге шегерілді. Прокурор судьядан С.Күдебаевқа 9 жыл бас бостандығынан айыру жазасын тағайындауды сұрады. Былтырғы қаңтар оқиғасы бойынша күдікті деп танылған айыпталушы 2020 жылдан 2022 жылдың 18 ақпанына дейін Алматы облыстық полиция департаментінің бастығы лауазымын атқарды.
JQ-Aqparat
WhatsApp: +7 705 717 9113
