Головкин мені сүлгі лақтырады деп ойламасын

13 қыркүйек 2016, 22:47

Британияның орта салмақтағы бокс чемпионы кіші Юбенк (Eubank Jr) қазақстандық Геннадий Головкинмен шайқас кезінде жеңіліп, ортаға сүлгі лақтырған Бруктың командасын сынға алды.

Бұл туралы 24kz хабарлады.

«Бокс – дегеніміз бұл шайқастың соңына дейін төтеп беру. Артқа шегініп, сүлгі лақтыру деген жоқ. Шайқасты тек рефери ғана тоқтатады. Кезінде менің әкем бұдан да қиын шайқастардың ақырына дейін төзіп, қарсыласына берілмеген», — деді Юбенк Talksport басылымына берген сұхбатында.

Сондай-ақ ол бұл туралы твиттердегі парақшасына да жазып, әлемге жар салды. Естеріңізге сала кетсек, 11 қыркүйектің таңындағы шайқас кезінде Головкиннен жеңілген Келл Бруктың командасы рингке сүлгі тастап, жекпе-жекті тоқтататқан-ды.

365info.kz