Конструктор көліктерді заңдастыру басталды

Қазақстанға 2022 жылдың 1 қыркүйегіне дейін әкелінген шетелдік автокөліктерді заңдастыру жұмыстары жалғасып жатыр. Бұл туралы Polisia.kz мәлім етті.
Осы жылдың 22 мамырынан бастап елімізге қосалқы бөлшектер түрінде әкелінген конструктор көліктерді тіркеу басталды.
Конструктор көлігін тіркеп, заңдастыру үшін азаматтар тиісті мекемелерге мыналарды ұсынуы тиіс.
1) өтініш;
2) ішкі істер органдарының уәкілетті қызметкері берген көлік құралын тексеру актісі;
3) техникалық байқаудың диагностикалық картасы.
Мұндай көлік құралдарын алғашқы тіркегені үшін алым мөлшері 200 мың теңгені құрайды. Аталған автокөліктер тек Қазақстан аумағында қолданылуы қажет және оны өзге тұлғаға тіркеуге рұқсат берілмейді. Көліктерді заңдастыруға өтінімдерді екінші деңгейлі банктердің мобильдік қосымшалары арқылы беруге болады.

JQ-Aqparat