Колумбиядағы ұшақ апаты видеода осылай көрініс тапты

20 желтоқсанда кешкі уақытта Колумбияда Boeing 727 жүк ұшағы апатқа ұшырады. Бортта 6 адам болған. Апаттың салдарынан бес адам қаза тапты, қалған біреуі ауыр жарақат алды, — деп хабарлайды Telesur TV.

tengrinews.kz хабарлағандай, Колумбиялық Aerosucre әуе компаниясының лайнері Боготаға бет алып, елдің оңтүстігіндегі Пуэрто-Карреньо әуежайынан ұшып шыққаннан кейін бірнеше минут өткенде апатқа ұшыраған. Ұшақ балық тасымалдаған. Апаттың себебі анықталып жатыр.

Ұшақтың құлаған сәтін куәгерлер видеоға түсіріп алды. Желіге жүктелген кадрларға қарағанда, пилот биікке көтеріле алмай, ұшақ қақпаны соққан. Лайнер ұшу-қону жолағында тұрған адамдардың үстінен ұшып өткен.