Көкшетауға гашиш апара жатқан адам ұсталды

Polisia.kz хабарлағандай, тыйым салынған заттардың ірі партиясын тасымалдаған күдікті «Астана-Петропавл» тас жолында ұсталды. Есірткі қылмысына қарсы іс-қимыл бөлімшесінің қызметкерлері Mercedes-Benz маркалы автокөлікті тоқтатып, Көкшетауға есірткі заттарын өткізуге бара жатқан күдіктіні кісендеді. Тінту кезінде жедел уәкілдер 45 жастағы жолаушыдан тыйым салынған заттар тауып, тәркіледі. Сараптама қорытындысы бойынша салмағы 905 грамм гашиш есірткісі екені дәлелденді. Күдікті есірткіні елордада сатып алған және Ақмола өңірінің аумағында таратуды жоспарлаған. Есірткі сатушы «ескі әдіспен» әрекет еткен, яғни өзінің тұрақты клиенттеріне сатқан. Полиция қылмыстық іс шеңберінде барлық мән-жайды нақтылауға кірісті. Күдікті уақытша ұстау изоляторына қамалды.
JQ-Aqparat