Көкнәрді бақшасында көкөніс секілді өсірген (Видео)

Түркістан облысының тұрғынынан 4 мыңға жуық түп “көкнәр“ тәркіленді. Бұл жайында Polisia.kz жазды.

«ПД Есірткі қылмысына қарсы іс-қимыл басқармасының қызметкерлері мен Қазығұрт ауданының полицейлері бірлесіп, жедел-іздестіру іс-шаралары кезінде жергілікті тұрғынның бірінің үйінен құрамында есірткі заты бар өсімдік егілгенін анықтады.

Үйді тінту кезінде, күдіктінің бақшасынан «көкнәрға» ұқсас 3900-ден астам түп есірткі тәркіленді. Сараптама қорытындысы өсімдіктің 160 келіден асатын «көкнәр» екенін растады. Аталған факті ҚР ҚК 300-бабы бойынша тіркелді. Сотқа дейінгі тергеу амалдары жүріп жатыр. Күдікті қамауда» деп жазды ведомствоның баспасөз қызметі.

JQ-Aqparat