Киіктің мүйізін тасымалдаған полицейлер ұсталды

Батыс Қазақстан облысында Жаңғалы ауданынан киіктің мүйіздерін тасымалдаған үш адам ұсталды. Бұл туралы «Уральская неделя» басылымына сілтеме жасап Tengrinews.kz хабарлады.

Чапаев ауылындағы Атырау-Орал тасжолында жол-патрульдік полиция қызметінің қызметкері Тимур Бисенғалиев, Жаңғалы аудандық ІІД қызметкері Ернар Маратов пен Жаңғалы ауданының тұрғыны Амангелді Есенғалиев ұсталды. Олардың көлігінен киіктің мүйіздері табылған. Осы дерек бойынша ҚР Қылмыстық кодексінің 338-бабы бойынша («Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу») қылмыстық іс қозғалды.