«Киелі мекенім»: Димаш Құдайбергеннің жаңа бейнебаяны жарық көрді (Видео)

27 қараша 2024, 12:00

Алматыда өткен Қытайдағы Қазақстан туризм жылының жабылуында Димаш Құдайбергеннің жаңа бейнебаяны таныстырылды. Туризм және спорт министрлігі баспасөз қызметінің мәліметінше, оған екі елдің туризм индустриясының 300-ден астам өкілі қатысты. Форум аясында Қытайдағы Қазақстан туризмінің жылы қорытындыланды.

Димаш Құдайбергеннің «Киелі мекенім» атты патриоттық композициясы Қазақстанның бай табиғаты мен мәдениетін кең аудиторияға паш етеді.
Бейнебаян арқылы көрермендер көрнекті туристік орындарға визуалды саяхат жасай алады. Оның ішінде Шарын шатқалы, Көлсай көлдері, Ақмешіт үңгірі, Әзірет-Сұлтан мұражай-қорығы, Бозжыра шатқалы, Торыш алқабы тәрізді бірегей орындар бар. Видеода Бурабай, Катонқарағай, Алтын-Емел, Жоңғар-Алатау ұлттық парктерінің кадрлары да ұсынылған.