«Қызылжар деп атай беріңіз»

Жуырда ат төбеліндей азғантай тұрғыны ел ішіне жік салу мақсатында сепаратистік пиғылдағы мәлімдеме жасаған Петропавлдың атауын Қызылжар деп өзгерту үшін сол өңірдің халқы бастама көтеруі тиіс. Мұны мәжілістің кулуарында депутаттар Ермұрат Бапи мен Ерлан Саиров айтты.

Депуттаттар Петропавлды Қызылжар деп өзгертуді қолдайтынын жеткізді. Ерлан Саиров қала атауын әркім де Қызылжар деп айта берсе ешқандай шектеу, тоқтам жоқ деді. «Кеңес өкіметінің кезінде Мағжан Жұмабаев, Сәбит Мұқановтарда қаланың атын Қызылжар деп жазған шығармалары бар. Кеңестің жүйенің кезінде барша ақын-жазушылар осы атауды еркін қолданды. Сондықтан әркімнің өз еркінде, мысалы мен де Қызылжар деп айтамын», – деді Е.Саиров. Мәжіліс депутаты заң бойынша мұндай мәселе парламентте көтерілмейтінін, тек тұрғындардың бастамасымен көтеріліп, жергілікті мәслихаттың құзіретінде қаралатынын айтты.

JQ-Aqparat