Қызылша кеселі өршіп тұр

Еліміздің барлық аймағында қызылша дерті тіркелген. Кесел, әсіресе, Шымкент пен Алматы қалаларында өршіп тұр. Сондай-ақ, А гепатитінің таралуы да алаңдаушылық туғызып отыр.
Үкіметтің Telegram-каналы хабарлағандай, бүгін Премьер-Министрдің орынбасары Тамара Дүйсенованың төрағалығымен өткен жиында еліміздегі санитарлық- эпидемилогиялық ахуал талқыланды.
Вице-премьер кеселдің қаупі туралы тұрғындарға тиісті ақпараттың жетпеуі себеп болуы мүмкін екенін атап өтті. Өйткені, екпе салдырмай, ауру жұқтырғандар қатары көбейіп барады.
Т. Дүйсенова бұл жүргізілген түсіндіру жұмыстарының нашар екендігін аңғартатынын айта келе, “Адам өзіне өзі жау емес. Қауіптің барын білсе, өзін қорғау шараларын қолданады. Денсаулық сақтау министрлігі жергілікті әкімдіктермен бірлесе отырып, бұл бағыттағы жұмысты күшейту керек” деді.

JQ-Aqparat