Қызылордада сыныптасын жезөкшелікпен айналысуға мәжбүрлегендер үйқамаққа ауыстырылды

Қызылорда қаласында сыныптасын секс-құлдықта ұстағаны жөнінде күдікке ілінген мектеп оқушылары үйқамаққа ауыстырылды.

Қызылорда облыстық соты осыған қатысты мынадай түсініктеме берді:

«Аталған өтінішхаттарды Қызылорда қаласының тергеу соты қарады. Кәмелетке толмаған күдіктілерге үйқамақ түріндегі санкция қолданылды. Қазіргі уақытта тергеу сотының қаулысына жәбірленуші тараптан Қызылорда облыстық сотының қылмыстық істер жөніндегі сот алқасына шағым келіп түсті. Ол қаралу сатысында. Қаулыға қалған қатысушылар шағым жасамаған».

Еске түсірсек, Қызылорда қаласында мектеп оқушылары сыныптасын секс-құлдықта ұстады деп күдікке ілінді. Бір топ жасөспірім 16 жастағы қызды қинап, есірткі беріп, жезөкшелікпен айналысуға мәжбүрлеген.

JQ-Aqparat