Қызылордада күріш емес, есірткі еккен (Видео)

13 маусым 2023, 16:43

Қызылорда облысында ірі мөлшерде есірткі еккен тұрғындар ұсталды. Бұл туралы Polisia.kz мәлім етті.

«Қарасора –2023» жедел профилактикалық іс-шарасы аясында Қызылорда облысы, Қазалы ауданында прокуратура, аудандық әкімдік және полиция бөлімінің қызметкерлерімен бірлесіп жүргізген жұмыстар нәтижесінде 1086 түп сор өсімдігін еккен қала тұрғындары ұсталды. 28-50 жастағы жұмыссыз төрт тұрғын Қазалы ауданына қарасты Қызылқұм ауылының 265 шақырым жердегі шеңгел мен сексеуіл арасында сора өсімдігін өсірген. Баптап өсірген сораның ұзындығы 20 сантиметрге жеткен. Полицейлер оқиға орнынан ірі есіпрткі алқабынан бөлек арнайы кептірілген марихуана, күдіктілердің жеке заттарын, сора өсіруге арнайы жабдықтар тәркіледі. Есірткі алқаптан бөлек арнайы кептірілген марихуананың салмағы 723 грамм болып шықты. Күдіктілер Қазалы аудандық полиция бөлімінің уақытша ұстау изоляторына қамауға алынды. Бұл дерек бойынша ҚР ҚК-нің 300-бабының 2-бөлігімен сотқа дейінгі тергеп-тексеру әрекеттері жүргізіліп жатқанын» жария етті Polisia.kz.