Қызылорда: ақшаны принтерден шығарып, зат сатып алған

Жалған банкноттарды сақтау және бірнеше рет өткізу фактісі бойынша анықталған қылмыстық істің тергеуін ҚМА Қызылорда облысы бойынша департаменті аяқтап, іс материалын сотқа жолдады.

ҚМА таратқан хабарламада: «Қызылорда қаласының 28 жастағы тұрғыны номиналы 20000 (жиырма мың) теңгелік бірнеше банкноттарды сақтағаны және оларды жанар-жағар май құю бекеті мен автобөлшектер сататын дүкенге өткізгені үшін айыпталды. Заттар сатып алып, құны 20000 теңгелік банкнотты өткізе отырып, қайтарымына Ұлттық банкінің түпнұсқа банкноттарын алып отырған», — делінген.

Азамат өз кінәсін толық мойындады. Криминалист мамандардың зерттеуі барысында өткізілген банкноттардың Ұлттық банктің ақша белгісіне сәйкес келмейтінін және ақшаның бәрі принтерде басып шығарылғандығы анықталды.

Қылмыстық кодексте бұл қылмыс үшін бес жылдан 10 жылға дейінгі мерзімге бас бостандығынан айыру жазасы түрінде жауаптылық көзделген.

JQ-Aqparat