Құтқарушылар қамауға алынды

Сыбайлас жемқорлыққа қарсы іс-қимыл агенттігі (Антикор) Астана қаласының ауданаралық тергеу сотымен ТЖМ ЖМ Өртке қарсы қызмет комитетінің төрағасына, Шымкент қаласы мен Жетісу облысы ТЖД бастықтары қамауға алынғанын хабарлады. Қазір сотқа дейінгі тергеп-тексеру амалы жалғасып жатыр.

Антикор оларға жүйелі түрде пара алды деп күдік тағып отыр. Агенттіктің мәліметінше пара көлемі 100 мыңнан 4 миллион теңгеге дейін жеткен.

«Қылмыстық-процестік кодексінің 201-бабына сәйкес өзге де ақпарат жария етуге жатпайды. Конституцияның 77-бабы 3-тармағының 1-тармақшасына және Қылмыстық-процестік кодексінің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі», – деп жазылған хабарламада.

JQ-Aqparat