Қырғызстанда ажырасқан әйелдерге әлеуметтік желіде пікір жазуға тыйым салмақ

28 ақпан 2024, 10:02

Фото: freepik.com

Қырғызстан Министрлер Кабинетінің төрағасы Ақылбек Жапаров өзінің орынбасары Еділ Байсаловқа әйелдердің әлеуметтік желілердегі отбасы туралы жазбаларын бақылауға алуды тапсырды деп хабарлайды 24.kg.

«Дәстүрімізге, әдет-ғұрпымызға қайшы келетін ақпаратты таратуды шектеуіміз керек.Кейбір келіндер өз әкесін мақтап, сонымен бірге қайын атасы мен енесін жамандайды. Ал ажырасқан кезде осының бәрін әлеуметтік желіге жариялайды. Олардан үлгі тұта алмайсың. Қайын аталарға: қысқа кимеңдер, ақ киім киіп, бастарындағы орамалды шешпеу керек дейді», – дейді Ақылбек Жапаров.