Құралай Нұрқаділова: Әкемнің қасында болып, қолдау білдірмегеніме өкінемін

10 қараша 2023, 10:49

Құралай Нұрқаділова отандық бағдарламаға сұхбат берген кезінде әкесінің қасында болып, оған қолдау білдіре алмағанына қатты өкінетінін айтты.

«Әкеммен 15 жыл сөйлесе алмадым. Ең өкініштісі осы. Сол үшін қатты өкінемін. Сол кезде сәл қулық танытып, жұмсағырақ болып барынша әкемнің қасынан табылуға ұмтылу керек пе еді. Мен ондай бола алмаймын. Ондай адам емес екенмін. Жағымпаздану деген менде атымен жоқ. Оның ортасына маған орын жоқ болды. Әкем қайтыс болғаннан кейін ғана оның соңғы жылдары Мақпалмен бірге тұрмағанын білдім. Екі бөлек үйде тұрды. Мен оны тым кеш білгеніме қатты өкінемін. Әкемнің қасында болып, оған қолдау білдірмегеніме өкінемін. Ол қайтыс болар алдында үш ай бұрын маған сөйлесуге келді. Бірақ мен оны түсінбедім», — дейді.

JQ-Aqparat