Алты айға созылған іске сот нүкте қойды

Астана қаласының қылмыстық істер жөніндегі мамандандырылған ауданаралық сотында Бішімбаев пен Байжановқа қатысты қылмыстық іс бойынша үкім жарияланды.

Қуандық Бішімбаев Салтанат Нүкенованы өлтіргені үшін 24 жылға сотталып,  жазасын қатаң режимдегі мекемеде өтеу туралы үкім шығарылды. Байжановқа – 4 жылға дейін бас бостандығынан айыру (ҚК 55-бабының 2-бөлігі ескеріліп) жазасы тағайындалды.

Жаза мөлшері туралы мәселені судья мен алқабилер Қылмыстық іс жүргізу кодексінің 656-бабына сәйкес ашық дауыс беру арқылы көпшілік дауысты ескере отырып шешті.

JQ-Aqparat

Сурет: t.me/Jogargy_sot