Қосымша арна салу үшін зерттеу қажет

Премьер-Министр Ә. Смайыловтың атына Сенат депутаттары сауал жолдап, Шардара су қоймасына апаттық жағдайда нормадан артық суды ағызатын қосымша арна салу жөнінде ұсыныс жолдаған болатын. Үкімет басшысы сенаторлардың сауалына жауап берді.
«Шардара су қоймасынан өткізу қабілеті 1 500 м3/сек апатты су төгіндісін салу мәселесі оның орындылығы мен экономикалық құрамдас бөлігі тұрғысынан егжей-тегжейлі зерттеуді талап етеді.
Шардара су қоймасынан апатты су төгу жобасы 3 500 м3/с артық ағын болған жағдайда су қоймасынан суды авариялық өткізуді көздейді. Қазіргі уақытта Шардараның жалпы ағызу қабілеті – 2 000 м3/с. Бұл ретте соңғы уақыттағы орташа көпжылдық деректер Шардараға түсетін ағынның 2 000 м3/с аспайтынын көрсетеді. Сонымен қатар, жоба 40-50 млрд теңге болатыны» жазылған Премьер-Министр Ә. Смайыловтың жауабында.

JQ-Aqparat