Қостанай: шегірткеге қарсы 297 гектар жерде химиялық өңдеу жүргізілді

6 шілдеде Қостанай өңірінің «Заречное» тәжірибелік-өндірістік шаруашылығының аумағында италиялық прус пен табындық емес шегірткелердің үйірі анықталды. Қостанай облыстық аумақтық инспекциясының жетекшісі Дархан Әбдікәрімов бастаған мамандар тобы дереу сол жерге барды. Егістікті зерттеу нәтижесі Қостанай ауданының азғантай аумақтарында зиянкестердің таралғанын көрсетті.  Сондай-ақ жәндіктердің таралу қаупінің төмендігіне қарамастан, бұл ауданда және Қостанай қаласында аумақтарға химиялық өңдеу жүргізу туралы шешім қабылданды.

Айта кетейік, бүгінгі таңда Қостанай облысында табын шегіртке зиянкестерінің болуына байланысты 1,7 млн гектар жер зерттелді. Италиялық прусқа қарсы қорғаныс шаралары 290,9 мың гектар жерде, азиялық шегірткеге қарсы 6,5 мың гектар жерде жүргізілді. Облысқа барлық қажетті препараттардың көлемі алдын ала жеткізілді. Табын шегірткелерінің дамуы мен таралуы циклдік сипатқа ие. Ауа-райы мен климаттық жағдайларға байланысты әр жылдары зиянкестер санының көбеюі мен  азаюы болды.

Мәселен, шегірткелердің ең ауқымды таралуы 2000 жылы тіркеліп, 7,1 млн гектар аумаққа тараған болатын. 2015 жылдан 2019 жылға дейін химиялық өңдеу алаңының 3,2 млн гектардан 567,6 мың гектарға дейін төмендеуі байқалды. 2020 жылдан бастап қазіргі уақытқа дейін табын зиянкестерінің таралуының көбейгені байқалады.

JQ-Aqparat