ҚМДБ әлеуметтік желіде біреуді балағаттап, оған лайк басу күнә екенін ескертеді

Қазақстан мұсылдандары діни басқармасы кибербуллинг туралы түсінік беріп, пікір білдіоді, деп хабарлайды jasqazaq.kz.

Діни басқарма таратқан хабарламада. «Кибербуллинг – интернет немесе басқа да әлеуметтік желі, ұялы телефон арқылы біреуді қорқыту, кемсіту, қорлау. Шариғатта біреуді қорқытуға, қорлауға, мазақ етуге, айыбын ашуға, кемсітуге тыйым салынған», — делінген.

ҚМДБ ғұламалар кеңесі мынадай шешім қабылдады:
— Кибербуллингке және буллингтің кез келген түріне шариғат тұрғысынан қатаң тыйым салынады;
— Әлеуметтік желі, ұялы телефон арқылы жалған ақпарат тарату, оны бөлісу, сондай-ақ біреуді балағаттап, қорлап жазба қалдыру және оған ортақтасып «лайк» басу – күнә іс.
— Біреудің жеке жазбаларын, суреттерін, бейнежазбаларын шығарамын деп қорқыту, біреудің дінін не мәдениетін кемсіту тағы сол сияқты кибербуллинг түрлеріне тыйым салынады.

JQ-Aqparat

Фото ашық дереккөзден