Қажылыққа апарамыз деп алдаған туристік фирманың директоры сотталды

Шымкентте тұрғындарды Мекке мен Мединаға қажылыққа апарамыз деп алдап, ақшаларын жымқырған Kausar Trevel туристік фирмасының директоры сотталды, — хабарлайды Оtyrar.kz

Kausar Trevel туристік фирманың директорына жүздеген қазақстандықты алдағаны үшін айып тағылып отыр. Қажылардың әрқайсысы қасиетті жерлерге бару үшін кем дегенде мың доллардан төлеген. Олардың кейбіреулері Қазақстаннан ұшып кете алмаса, басқалары жат мемлекетте баспанасыз, ақшасыз, тамақсыз қалған.

Сотта 300-ге жуық куәгер болды. Зардап шеккендер тағы да болуы мүмкін. Прокурор айыпталушыны 4 жыл 8 айға бас бостандығынан айыруды сұрады.

«Сот үкімімен сотталушы кінәлі деп танылып, 6 жылға бас бостандығынан айырылды. Жазасын қауіпсіздігі орташа мекемеде өтейді», — деді судья Айнель Орақбаева.

JQ-Aqparat