Қазақтың мерекесі емес!

Жыл сайын ақпанның екінші аптасында әлдебіреулер біздің ұлттық болмысымызға, дінімізге жат Әулие Валентин күнін мереке деп тықпалайды. Қоғамннң наразылығынан кейін соңғы жылдары саябырсып қалып еді. Биыл қайта күшейгендей.

Информбюро порталы көпшілікке белгісіз picodi.com деген сайт жүргізген сауалнама нәтижесін жариялады. Талқыға түскен тақырып – 14 ақпанды жерлестеріміздің тойлап-тойламайтыны немесе мереке ретінде қарсы алып алмайтыны, жөнінде. Сайтқа салсақ, қазақстандықтардың
61 пайызы әулие Валентин күнін тойлайтын көрінеді. Тіпті сол күні шоқ-шоқ гүл сатып алып, қомақты қаржы шығындайтыны да айтылған. Jas qazaq өз сауалнамасын жүргізді. 300 адам қатысқан сұрақ-жауаптың нәтижесі бойынша, жастар бұл күнді қазақтың мерекесі деп қабылдамайды. Керісінше, 15 сәуірде атап өтілетін Қозы Көрпеш – Баян Сұлу күнін Ғашықтар мерекесі деп біледі.