Қазақстан азаматы Оңтүстік Кореяда мерт болды

10 сәуiр 2024, 14:50

30 жастағы Қазақстан азаматы Оңтүстік Кореяда мер болды. Бұл туралы сол елдің Yonhap News ақпарат құралы хабарлаған. Ағынды суды тазарту кезінде оны тоқ соққан.

Оқыс оқиға 8 сәуірде Чонджу қаласындағы шыны зауытының тазарту қондырғысында болған. Қазір жергілікті полиция мен еңбек және жұмыспен қамту министрлігі тергеу жүргізіп жатқан көрінеді.

Еліміздің сыртқы істер министрлігі бұл мәліметті растады. СІМ ресми өкілі Айбек Смадияров: «Өндірісте қаза тапты, қазір туыстарымен байланысып, қажетті құжаттарды рәсімдеп жатырмыз», – деді.
JQ-Aqparat