Қазақ тілі курсын кімдер тегін оқиды?

Алматы қаласы әкімі аппаратының тапсырысымен және мемлекеттік тілді дамыту институтының ұйымдастыруымен қазақ тілін тегін үйрететін курс өз жұмысын бастады.
Тегін оқумен мемлекеттік қызметшілер, қала тұрғындары, этнос өкілдері, ең маңыздысы кәсіпкерлік (сауда-ойын сауық орталығының, қызмет көрсету және қоғамдық тамақтандыру) саласының қызметкерлері қамтылады. Осы топтарға жататын 18 жасқа толған барлық тұлғалар қатыса алады.
Оқыту тамыз-желтоқсан айларында, онлайн және оффлайн форматта өтеді. Тілді меңгеру деңгейлері бойынша топтарға бөлініп, әр топқа аптасына 2 рет жүргізіледі.
Қазақ тілін оқыту курстары Алматы қаласы аудан әкімі аппараты ғимараттары мен аудан аумағындағы кітапханаларда өткізіледі.

JQ-Aqparat