Қасым-Жомарт Тоқаев: Ұлт бірлігін сақтап қалған ата-баба үмітін ақтауымыз қажет

Президент Қасым-Жомарт Тоқаев 31 мамыр – Саяси қуғын-сүргін және ашаршылық құрбандарын еске алу күніне орай Twitter-де арнайы жазба жариялады.
«Біз бүгін саяси қуғын-сүргін және ашаршылық құрбандарын еске аламыз. Тоталитаризмнің бұл қырғыны халқымызға орасан зор қасірет әкелді. Тарихымыздың қайғылы кезеңдерін терең зерделеп, жазықсыз жапа шеккен боздақтарды ақтау ісін жалғастыру – өте маңызды мәселе, – деп жазды Қасым-Жомарт Тоқаев Twitter-де.
Мемлекет басшысы азалы күндерден сабақ алып, мұндай нәубеттің келешекте қайталануына жол бермеу баршаға ортақ парыз екенін айтты. Президент: «Біз ауыр сынаққа төтеп берген, ұлт бірлігін сақтап қалған және асыл қасиеттерін жоғалтпаған ата-бабамыздың үмітін ақтауымыз қажет»,- деп жазды.
JQ-aqparat