Динар Нүкетаева, Сенат депутаты:

– Бүгінде «Қасиетті ұстаз» деген мәртебелі мамандықтың құнсызданғаны өкінішті-ақ. Мұғалім қауқарсыз, құқығы тапталған адамға айналды. Ата-аналардың тарапынан ұстазға деген сенімсіздік күннен-күнге үдемесе, бәсеңдеген жоқ. Өйткені диктофон, фотоаппарат, ұялы телефон қолдану арқылы оқушылар мұғалімнің беделін түсіріп жатыр. Мемлекеттік мекемеде бейнекамерасы бар және интернетке қосылған телефонды пайдалануға тыйым салынған. Мектептердің де мемлекеттік мекеме екенін ескеріп, оқушыларға, ата-анаға, мұғалімге оқу процесі кезінде интернет пен бейнекамерасы бар құрылғыны пайдалануға шектеу қою керек.